බිත්තර වල සිල්ල මිල සඳහා උපරිම මිලක නියම කරමින් ගැසට් නිවේදනයක් නිකුත් කිරීමට ආණ්ඩුව කටයුතු කර තිබුණුද එය නිවැරදි දත්ත පදනම් කරගනිමින් සිදුකර නැතැයි සමස්ත ලංකා බිත්තර නිෂ්පාදකයින්ගේ සංගමය අවධාරණය කළේය.
ඒ, අද (22) බිත්තර නිෂ්පාදනය සඳහා වැය වන නිවැරදි පිරිවැය වාර්තාවන් අගමැති කාර්යාලය වෙත භාර දීමට පැමිණි අවස්ථාවේදී මාධ්ය වෙත අදහස් දක්වමිනි.
සාමාන්යයෙන් මාස තුනකට වරක් සත්ව නිෂ්පාදන සහ සෞඛ්ය දෙපර්තම්නේතුව විසින් බිත්තරයක් නිෂ්පාදනය සඳහා වැය වන පිරිවැය වාර්තාවක් නිකුත් කරන අතර අගෝස්තු මාසය වන විට එය රු. 49.50ක් ලෙස දක්වා ඇති පසුබිමක ඊට වඩා පහළ අගයකින් බිත්තරයක සිල්ලර මිල නියමකරමින් වෙළෙඳ ඇමතිවරයා විසින් ගැසට් නිවේදනයක් නිකුත් කිරීම් සාධාරණ නැති බව එම සංගමය පෙන්වාදුන්නේය.
කිසියම් හෝ පාර්ශවයක් ඇමතිවරයාට වැරදි දත්ත ලබාදී ඇති බවටයි ඔවුන් චෝදනා කළේ.
ඒ අනුව අද පස්වරු 02.00ට වෙළෙඳ ඇමතිවරයා මුණ ගැසී මෙම ප්රශ්නයට සාධාරණ විසඳුමක් ලබා ගැනීමට නියමිත අතර මෙහිදී නිෂ්පාදකයා, වෙළෙන්දා සහ පාරිභෝගිකයා යන තිදෙනාම ආරක්ෂා වන පරිදි විසඳුමකට පැමිණීමට බලාපොරොත්තු වන බවද ඔවුන් සඳහන් කරන ලදී.
ASK
