රෂිකා හෙන්නායක අගෝස්තු 24 , කොළඹ LNW :
රජය විසින් පාර්ලිමේන්තුවට ඉදිරිපත් කළ 22 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත අභියෝගයට ලක් කරමින් ශ්‍රේෂ්ඨාධිකරණය හමුවේ පෙත්සම් 21 ක් ගොනු වී තිබේ.
විවිධ සංවිධාන, නීතිඥවරුන් සහ විද්වතුන් විසින් ඉදිරිපත් කළ මෙම පෙත්සම් මගින් පෙන්වා දෙන්නේ යෝජිත සංශෝධනය හරහා ජනතා පරමාධිපත්‍යයට සහ අධිකරණයේ ස්වාධීනත්වයට බාධා එල්ල වන බවයි.
මෙම සංශෝධනය බලාත්මක කිරීමට පෙර ජනමත විචාරණයක් පැවැත්විය යුතු බවට තීන්දුවක් ලබා දෙන ලෙස පෙත්සම්කරුවන් අධිකරණයෙන් ඉල්ලා සිටියි.
නීතිමය ක්ෂේත්‍රයේ ප්‍රවීණයන් රැසක් මේ සඳහා මැදිහත් වී සිටින අතර, පනතේ අන්තර්ගතය සම්බන්ධයෙන් සමාජය තුළ දැඩි අවධානයක් සහ විරෝධයක් ගොඩනැගී ඇත.
