උපාධිධාරීන්ට පත්විම් ලබාදීමේදී අසාධාරණයට ලක් වූ උපාධිධාරීන් පිරිසට විසඳුම් ලබාදීමට කටයුතු කරන බව අග්‍රාමාත්‍ය දිනේෂ් ගුණවර්ධන මහතා පවසනවා. විපක්ෂ නායක සජිත් ප්‍රේමදාස මහතා අද පාර්ලිමේන්තුවේදී මතුකළ ගැටලුවකට ප්‍රතිචාර දක්වමින් අගමැතිවරයා මේ බව සඳහන් කළේය.
විවිධ අඩුපාඩු හේතුවෙන් උපාධිධාරීන් 461 කට පත්වීම් ලබාදී නොමැති බව පෙන්වා දුන් විපක්ෂ නායකයා, මෙම පිරිසට සාධාරණය ඉටු කිරීමට ගන්නා පියවර මොනවාදැයි අගමැතිවරයාගෙන් විමසා සිටියේය.
රාජ්‍ය පරිපාලන අමාත්‍යවරයා ලෙස තමන් මේ පිළිබඳව අමාත්‍යංශ ලේකම්වරයා සමග සාකච්ඡා කළ බව පෙන්වා දුන් අගමැතිවරයා සඳහන් කළේ හැකි ඉක්මනින් මෙම ගැටලුවට විසඳුම් ලබාදීමට කටයුතු කරන බවයි.
UN
