කොළඹ LNW: ඉදිරි සතියේදී තැපැල් ජන්ද විමසීම සිදුකිරීමට නියමිත අතර රාජ්‍ය සේවයේ විශාල පිරිසක් තැපැල් ජන්දය භාවිතා කිරීමට නියමිත බවත් එම තැපැල් ජන්ද විමසීම එළඹීමත් සමඟ රජය ඓතිහාසික තීන්දුවක් ගෙන තිබෙන බව පාර්ලිමේන්තු මන්ත්‍රී රාජිත සේනාරත්න මහතා පැවසුවේය.
ඒ අනුව රු.25000කින් රාජ්‍ය සේවකයින්ගේ වැටුප් වැඩිවීම ගැන කැබිනට් මණ්ඩලය තීන්දුවක් ගෙන තිබෙන බවයි සේනාරත්න මහතා කියාසිටියේ.
එමෙන්ම මූලික වැටුප දෙගුණ කිරීමටත් රජය තීන්දුවක් ගෙන තිබෙන බවද ඔහු සඳහන් කළේය.
ඉතා හොද වැටුප් වර්ධකයක් ලැබී තිබෙන අතර මෙලෙස රට ගොඩ ඒවී යැයි තමන්ද සිතුවේ නැති බවයි සේනාරත්න මහතා ප්‍රකාශ කළේ.
”අපි සහ සජබ ආර්ථික මෙහෙයුම පිළිබද වෙනසක් නෑ. IMF ගේන්න කියලා මුලින්ම කිව්වේ හර්ෂ.අපි සජිත්ට රට භාරගන්න කියද්දී හර්ෂ සිල්වා අත් දෙක ඉස්සරහට දාලා කිව්වා සජිත්ට රට බාරගන්න එපා කියලා. හර්ෂ ද සිල්වා මෙහෙට එන්න මුදල් ඇමතිකම ඉල්ලුවා. ජනතා විමුක්ති පෙරමුණ ගැන ඊනියා උගතුන් හිතන් ඉන්නේ ප්‍රංශෙ මැක්‍රෝන් ආවා කියලා. ලෝකේ ඩයි නැත්නම් ඔතන ඉන්න තරුණයින්ගේ පෙනුම බලාගන්න පුලුවන්. ජනතා විමුක්ති පෙරමුණ කාලෙන් කාලෙට ජාතික ප්‍රශ්නය පිළිබද මතය වෙනස් වුණා.ප්‍රතිපත්ති වෙනස් කළා.” යනුවෙන් සේනාරත්න මහතා තවදුරටත් සඳහන් කරන ලදී.
ආශිකා බ්‍රාහ්මණ
