බැසිල්ට රට යන්න ශ්‍රේෂ්ඨාධිකරණයෙන් අවසර

හිටපු මුදල් අමාත්‍ය බැසිල් රාජපක්ෂ මහතාට විදේශගත වීම සඳහා ශ්‍රේෂ්ඨාධිකරණය අද අවසර ලබා දුන්නා. මෙම අවසරය ලබන වසරේ ජනවාරි 15 දක්වා වලංගු වේ.

වත්මන් ආර්ථික අර්බුදයට වගකිව යුතු පුද්ගලයන් සම්බන්ධයෙන් විමර්ශනයක් සිදු කරන්නැයි විමර්ශන අංශ වෙත නියෝගයක් නිකුත් කරන ලෙස ඉල්ලා ශ්‍රේෂ්ඨාධිකරණය හමුවේ පෙත්සම් කිහිපයක් ගොනුකර තිබේ. හිටපු අගමැති මහින්ද රාජපක්ෂ මහතා, බැසිල් රාජපක්ෂ මහතා ඇතුළු පිරිසක් පෙත්සම්වල වගඋත්තරකරුවන් ලෙස නම්කර තිබේ.

මෙම පෙත්සම් සලකා බැලූ ශ්‍රේෂ්ඨාධිකරණය පෙත්සම්වල වගඋත්තරකුරුවන්ට විදෙස් ගමන් තහනමක් නිකුත් කර තිබිණි.

බැසිල් රාජපක්ෂ මහතා වෙනුවෙන් පෙනී සිටි නීතිඥයන් අද අධිකරණයෙන් ඉල්ලා සිටියේ තම සේවාදායකයාට වෛද්‍ය ප්‍රතිකාර ලබා ගැනීම සඳහා සහ වෙනත් පෞද්ගලික හේතූන් මත ඇමරිකාව බලා පිටත්ව යාමට අවශ්‍ය බවයි. එම ඉල්ලීම සලකා බැලීමෙන් අනතුරුව බැසිල් රාජපක්ෂ මහතාට පනවා තිබූ විදෙස් ගමන් තහනම තාවකාලිකව ඉවත් කළේය.

අගවිනිසුරු ජයන්ත ජයසූරිය මහතා ප්‍රමුඛ පංච පුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ මෙම පෙත්සම් සලකා බැලිණි.

UN

Share post:

spot_imgspot_img

Popular

More like this
Related

අයවැයට එරෙහිව වෘත්තීය සමිති කිහිපයක් වැඩවර්ජනයක!

ආශිකා බ්‍රාහ්මණකොළඹ LNW:2027 වර්ෂය සදහා ඉදිරිපත් කර ඇති අයවැය...

ග්වාඩලහාරා මත්ද්‍රව්‍ය ජාවාරම් කල්ලියේ නිර්මාතෘ ගැලාර්ඩෝ ජීවිතක්ෂයට

සටහන: සශිකලා මධුෂාණීලෝකය(අවුට්බවුන්ඩ් ටුඩේ) නොවැම්බර් 16: මෙක්සිකෝවේ ප්‍රසිද්ධ ග්වාඩලහාරා...

ඇමෙරිකාවෙන් යළි ප්‍රහාරයක් එල්ල වීමට පෙර ඉරානය පළමුව ප්‍රහාරයක් එල්ල කළ හැකි බවට අනතුරු අඟවයි

සටහන: සශිකලා මධුෂාණීලෝකය(අවුට්බවුන්ඩ් ටුඩේ) නොවැම්බර් 16: ඇමෙරිකා එක්සත් ජනපදය...

ලාෆ්ස් ගෑස් සමාගමේ ලොක්කන්ට පාරිභෝගික කටයුතු පිළිබඳ අධිකාරියෙන් කැඳවීමක්

සටහන - රුවන් නෙළුගොල්ල ලාෆ්ස් ගෑස් සමාගමේ නිලධාරීන් අද (16)...