නව කැබිනට් මණ්ඩලය පත්කිරීමේදී නම් කාන්තා හා ළමා කටයුතු අමාත්‍යාංශය කාන්තාවකටම භාරදිය යුතු බව අග්‍රාමාත්‍ය දිනේෂ් ගුණවර්ධන මහතා ප්‍රකාශ කර ඇති බව වාර්තා වේ.
මීට පෙර ගෝඨාභය රාජපක්ෂ මහතා යටතේ වසර දෙකහමාරක පමණ කාලයක් කාන්තා හා ළමා කටයුතු වෙනුවෙන් වෙනම කැබිනට් අමාත්‍ය ධුරයක් හෝ නොතිබුණු අතර එම විෂයය භාරදී තිබුණේ ද පිරිමි අමාත්‍යවරුන් වෙතය.
කාන්තාවන්ගේ සහ දරුවන්ගේ අවශ්‍යතා පිළිබඳ ප්‍රායෝගික අවබෝධයක් නොමැති පිරිමින්ට මෙම අමාත්‍යාංශය පැවරීම කිසිදු තේරුමක් නොමැති ක්‍රියාවක් බව පෙන්වා දී ඇති අග්‍රාමාත්‍යවරයා කැබිනට් මණ්ඩලය තුළ කාන්තා නියෝජනය පවත්වා ගැනීමේ වැදගත්කම ද අවධාරණය කර ඇති බව සඳහන්.
පසුගියදා පැවති ආණ්ඩු පක්ෂයේ දේශපාලනඥයින්ගේ හමුවකදී අග්‍රාමාත්‍ය දිනේෂ් ගුණවර්ධන මහතා මේ අදහස් පළ කර ඇති බවයි ආරංචිමාර්ග සඳහන් කළේ.
RN
