නව කැබිනට් අමාත්‍යවරුන් පත්කිරීම දින නියමයක් නොමැතිවම කල්යන තත්වයක් උද්ගත වී ඇති බව දේශපාලන ආරංචිමාර්ග පවසයි.
පසුගිය සතියේදී රාජ්‍ය අමාත්‍යවරුන් 37 දෙනෙකු පත් කෙරුණු නමුත් කැබිනට් අමාත්‍යවරුන් පත්කිරීම සම්බන්ධයෙන් ඒ වනවිටත් අවසන් එකඟතාවක් ඇතිවී තිබුණේ නැත.
මේ සති අන්තයේදී ජනාධිපති රනිල් වික්‍රමසිංහ මහතා එංගලන්තය බලා යාමට නියමිත ය. ඒ, දෙවැනි එලිසබෙත් රැජිනගේ අවමංගල්‍ය උත්සවයට සහභාගී වීම සඳහා ය. එයින් අනතුරුව ඒ මහතා ඊට පෙර සිටම යොදාගත් ජපාන සංචාරය සඳහා පිටව යා යුතුව තිබේ. ඊට අමතරව 22 වැනි ආණ්ඩුක්‍රම ව්‍යවස්ථා සංශෝධනය පාර්ලිමේන්තුවේ සම්මත කරගැනීම සඳහා අවශ්‍ය කටයුතු ද මේ අතරම සිදු කළ යුතුව ඇත.
මේ සියල්ලම නිසා නව කැබිනට් අමාත්‍යවරුන් පත්කිරීම දින නියමයක් නොමැතිවම කල්යන ලකුණු පහළ වී ඇති බවයි ආරංචිමාර්ග සඳහන් කළේ.
RN
