කොළඹ LNW:ජනප්‍රිය උසස් පෙළ සිංහල ආචාර්ය සුජීව සිරිමෙවන් මහතාගේ තුන්වෙනි කවි පොත දොරට වැඩුම ඊයේ (13) කොළඹ මහවැලි කේන්ද්‍රයේදී සිදුවිය.
”සිහිනයක දුටු අමුතු රෝස පාට කවි පොත” ලෙස එම කවි පොත නම්කර තිබුණි.
කේ. කේ.සමන් කුමාර, නාරද විජයසූරිය, කාංචනා අමිලානි සහ ජයන්ත කහටපිටියගේ අදහස් දැක්වීම් සමඟ එම කවි හැන්දෑව තවත් වර්ණවත් විය.
”පාලම මත ලිස්සන සුළුය” 1997 දී සුජීව සිරිමෙවන් සහ සංජීව මූණමල්පේ එක්ව සම්පාදනය කර තිබෙන අතර 2018 දී ”මයිලපත් සමනල්ලු” සුජීව සිරිමෙවන් විසින් සම්පාදනය කරන ලද අනෙක් කවි පොත වෙයි.
ගීත විචාර සහ කවි විචාර කෘති ද්විත්වයක්ද සුජීව සිරිමෙවන් මහතා විසින් සම්පාදනය කර තිබේ.
ජායාරූප – අජිත් සෙනෙවිරත්න
