ළමා පිළිකා රෝගීන් ගැන සෞඛ්‍ය බලධාරීන්ගෙන් අනාවරණයක්!

රෂිකා හෙන්නායක සැප්තැම්බර් 13, කොළඹ LNW :

වාර්ෂිකව ළමා පිළිකා රෝගීන් 900ත් 1,000ත් අතර සංඛ්‍යාවක් වාර්තා වන බව සෞඛ්‍ය බලධාරීන් අනාවරණය කරයි. ජාතික පිළිකා ලේඛනාගාරයේ (National Cancer Registry) දත්ත මත පදනම්ව මෙම තොරතුරු අනාවරණය වී ඇත.

සාමාන්‍ය ව්‍යවහාරයේදී ‘ලේ පිළිකා’ (leukaemia) ලෙස හැඳින්වෙන රෝගී තත්ත්වය, වසා පද්ධතිය ආශ්‍රිත පිළිකා සහ මොළය ආශ්‍රිත පිළිකා, ළමුන් අතර බහුලවම වාර්තා වන පිළිකා වර්ග අතරට අයත් වේ.

මෙම පිළිකා රෝගී තත්ත්වයන් මුල් අවධියේදීම හඳුනාගෙන ප්‍රතිකාර සඳහා දරුවන්ව යොමු කිරීමට පියවර ගන්නා ලෙස සෞඛ්‍ය අමාත්‍යාංශයේ ජාතික පිළිකා මර්දන වැඩසටහනේ ප්‍රජා වෛද්‍ය විශේෂඥ සුරාජ් පෙරේරා මහතා ඉල්ලා සිටී.