Sunday, February 5, 2023
spot_img

Latest Posts

පිටරටින් ගේන හාල් සතුන්ට මිස මිනිස් පරිභෝජනයට සුදුසු නෑ – කෘෂිකර්ම ඇමති (VIDEO)

සත්ව ආහාර සඳහා සහල් භාවිතා කිරීම තහනම් කරමින් පනවා ඇති ගැසට් නිවේදනය ඉවත් කළයුතු බව කෘෂිකර්ම අමාත්‍ය මහින්ද අමරවීර මහතා පවසයි.

“දැන් සහල් සඳහා පනවලා තිබෙනවා නීතියක් සත්ව ආහාර සඳහා ගන්න බෑ කියලා. මගේ මතය නම් මේ රටින් ගේන හාල් සත්වයින්ට මිසක් මිනිස්සුන්ගේ පරිභෝජනයට සුදුසු ඒවා නෙවෙයි. මං හිතන්නෙ මේවායේ විශාල අපි පාවිච්චි නොකරන රසායනික ද්‍රව්‍ය පාවිච්චි කරලා තියෙනවා, අපට වඩා බාල පොහොර සමහර සහල්වලට පාවිච්චි කරලා තියෙනවා. මං හිතන්නෙ මේක මිනිස්සුන්ට වඩා හොඳ සත්තුන්ට. ඒ නිසා මේ සත්ව ප්‍රශ්නය විසඳාගන්න මේ ගැසට් එක අයින් කරලා මේ සහල් ප්‍රමාණයක් සතුන්ගේ පරිභෝජනයට ලබා දුන්නොත් අපට හැකියාව තියෙනවා, අපේ ගොවීන් අද ශක්තිමත් වෙලා තියෙනවා මේ රටට අවශ්‍ය ප්‍රමිතියෙන් යුත් සහල් සපයන්න. ඒ නිසා දැන් වැඩිපුර ගෙනල්ලා තියෙන ටික සත්ව ආහාරවලට දුන්නොත් කුකුළු මස් සහ බිත්තර මිලේ අඩුවීමක් කරගන්න පුළුවන්”

අමාත්‍ය මහින්ද අමරවීර මහතා මේ බව පැවසුවේ ඊයේ (13) පැවති වැඩසටහනකින් අනතුරුව මාධ්‍ය වෙත අදහස් දක්වමිනි.

RN

Latest Posts

spot_img
spot_img

Don't Miss

Stay in touch

To be updated with all the latest news, offers and special announcements.