සටහන – රෂිකා හෙන්නායක
කොළඹ (LNW): ලිබියාවේ ඩැනියෙල්ස් සුළි කුණාටුව හේතුවෙන් ඇති වූ අධික වර්ෂාව නිසා වේලි දෙකක් කැඩී යාම සිදු වූ අතර, එහි දී මුහුදට ආසන්න නගර කිහිපයක් විනාශ වී ගොස් ඇත.
තවද, දර්නා නගරයේ ඇති වූ ගං වතුර තත්ත්වය හේතුවෙන් මියගිය ගණන 18,000ත් 20,000ත් අතර වෙතැයි අනුමාන කරන බව එහි නගරාධිපතිවරයා පවසන අතර ඒ ආසන්නයේ නගරවල ජීවත් වූ විශාල පිරිසක් අධික ජල පහර හේතුවෙන් මුහුදට ඇදී ගොස් ඇති බවද පවසයි.
බලධාරීන් පවසන්නේ, ඉන් 5,000ක් පමණ මියගොස් ඇති බවත් 10,000කට අධික පිරිසක් අතුරුදන් ව ඇති බවත් සහ තවත් විශාල පිරිසක් ඉන් අනතුරට පත් ව ඇති බවත්ය. මේ වනවිට ලිබියාවේ පාලනය කණ්ඩායම් දෙකක් සතු ව ඇති අතර, සහන කටයුතු සඳහා ඔවුන් එකතුව සිටින බව ද විදෙස් මාධ්‍ය වාර්තා කරයි.
එසේම අසල්වැසි රාජ්‍යවලින් සහන කණ්ඩායම් මෙන්ම දිවි බේරී ඇති පිරිස් සඳහා ආහාර පාන සහ සෞඛ්‍ය පහසුකම් සැපයීම සඳහා අසල්වැසි රටවල් ඉදිරිපත් වී ඇති අතර , වේලි කැඩී යාමෙන් අනතුරු ව සුනාමි මෙන් ඇති වූ ජලපහර නිසා, ගම් විශාල ගණනක් විනාශ වී ඇති බව ජාත්‍යන්තර මාධ්‍ය පෙන්වා දෙයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
