නිශ්මං රණසිංහ සැප්තැම්බර් 20, කොළඹ LNW:
දුනිත් වෙල්ලාලගේගේ පියාගේ අභාවය සිඳු වූයේ ඔහු ක්‍රීඩා කරමින් සිටියදීය.තමන්ගේ ක්‍රිකට් සාර්ථකත්වයේ සෙවනැල්ල වූ සුරංග වෙල්ලාලගේ නම් වූ දුනිත්ගේ පියා ද කලක් ක්‍රිකට් වෙනුවෙන් පිට්ටනිවල ගෙවා දැමූ ජීවිත රස්තියාදුවේ මතක පුරවාගත් අයෙකි.වේල්ස්කුමර විදුහල වෙනුවෙන් පළමු පෙළ කණ්ඩායමට නායකත්වයද දී ඇති ඔහු තමන්ට මඟ හැරුණු ජීවිතයේ ඉහළම සිහිනය සිය පුතු විඳිනවා බලන්නට කැප වුණ වෙහෙසුණ පියෙකි.එකත් දෙකත් තුනත් සියල්ලමත් සිය පුතුගේ ක්‍රිකට් කර ගත් පියෙකි.
ඒ පියා වෙනුවෙන් තමන්ට තරගාවලිය අතරතුර ඉතාම ඉක්මණින් සිය රට පැමිණ අවසන් ගෞරවය දක්වන්නට ශ්‍රී ලංකා ක්‍රිකට් වෙල්ලාලගේට දැක් වූ සහය සහ පහසුකම අගය කළ යුතු එකකි.ඒ අගයට ප්‍රති උපහාර දැක්වීමට වෙල්ලාලගේ තෝරා ගත් මාර්ගය තමන්ගේ ජිවිතයේ ක්‍රිකට් ලේවල කලවම් කරපු පියා වෙනුවෙන් රට පෙරටු කර පෙරට ඒමය.ඒ සඳහා මේ වන විට වෙල්ලාලගේ නැවත ඩුබායි බලා පිටිත් වී ඇත.බොහෝ විට අද පැවත්වෙන තරගයේදී සිය පියා වෙනුවෙන් ඉහළම යුතුකම ඉටු කරන පුතෙක්ගේ වික්‍රමයන්ගේ ගොදුරක් බවට බංගලාදේශය පත් වෙනු ඇත.
අප සුරංග වෙල්ලාලගේට ඉහළම ගෞරවණීය ආචාරය පුද දෙමින් ඒ වික්‍රමාන්විත පුතු දෙස ආදරයෙන් බලා සිටින රැයකට සැරසෙමු!
