මහජන ආරක්ෂාව තහවුරු කිරීම සඳහා දිවයින පුරා සන්නද්ධ හමුදා කැඳවීමේ ආඥාවක් ජනාධිපති රනිල් වික්‍රමසිංහ මහතා නිකුත් කර තිබෙනවා.
සන්නද්ධ හමුදා කැඳවීමේ ජනාධිපතිවරයාගේ ආඥාව කතානායක මහින්ද යාපා අබේවර්ධ මහතා විසින් පාර්ලිමේන්තුව වෙත දැනුම් දුන්නේය.
මහජන ආරක්ෂක පනතේ 12 වැනි වගන්තිය ප්‍රකාරව ජනාධිපතිවරයා වෙත පැවරී ඇති බලතල අනුවයි මෙම ආඥාව නිකුත් කර තිබෙන්නේ.
ආණ්ඩුවිරෝධී උද්ගෝෂණ ඉහළ යාමත් සමග මීට පෙර ගෝඨාභය රාජපක්ෂ ජනාධිපතිවරයාද මහජනතාවගේ ආරක්ෂාව සඳහා සන්නද්ධ හමුදා කැඳවීමට කටයුතු කළේය. යළිත් මහජන උද්ගෝෂණ ඉහළ යාමේ පසුබිමක් රටතුළ පවතින අතර එබැවින් මහජන ආරක්ෂාව තවදුරටත් සන්නද්ධ හමුදා වෙත පැවරීමටයි ජනාධිපතිවරයා තීරණය කර තිබෙන්නේ.
UN
