නොරොච්චෝලේ විදුලි බලාගාරයට අවශ්ය ගල් අඟුරු මිලදී ගැනීම සඳහා පසුගිය අගෝස්තු 25 වනදා ප්රදානය කරන ලද ටෙන්ඩරය අවලංගු කිරීමට කැබිනට් මණ්ඩලය පසුගිය කැබිනට් රැස්වීමේදී තීරණය කර තිබිණි.
ඒ, එම ටෙන්ඩරය සම්බන්ධයෙන් පාර්ශ්ව කිහිපයක් අධිකරණය හමුවට යාම නිසා එම නීතිමය කටයුතු අවසන් වනතුරු මෙරටට ගල් අඟුරු සැපයීමට නොහැකි බව අදාළ සැපයුම්කරු ප්රකාශ කිරීම හේතුවෙනි.
ඒ අනුව, ගල් අඟුරු මිලදී ගැනීම සඳහා ක්ෂණික මිලදී ගැනීම් ටෙන්ඩරයක් ලබන අඟහරුවාදා (27) කැඳවන බව ලංකා ගල් අඟුරු සමාගමේ සාමාන්යාධිකාරී නාමල් හේවගේ මහතා පවසයි.
දැනට නොරොච්චෝලේ බලාගාරය සතු ගල් අඟුරු සංචිත ඔක්තෝබර් අවසන් සතිය වනවිට නිමවනු ඇති අතර ඒ වනවිට ගල් අඟුරු ප්රමාණවත් පරිදි ආනයනය කරගැනීමට නොහැකි වුවහොත් දිනකට පැය 10 – 12 ක විදුලි කප්පාදුවක් සිදුකිරීමට සිදුවනු ඇති බවට මහජන උපයෝගීතා කොමිසම අනතුරු හඟවා තිබේ.
RN
