රෂිකා හෙන්නායක සැප්තැම්බර් 27, කොළඹ LNW :
පසුගිය වසරේ සිට මේ වසරේ (2026) අගෝස්තු මාසය දක්වා කාලය තුළ මෙගාවොට් 1,513ක සූර්ය බලශක්ති ධාරිතාවක් ජාතික විදුලිබල පද්ධතියට එක් කර ඇති බව බලශක්ති අමාත්ය අනුර කරුණාතිලක මහතා පවසයි.
එම ධාරිතාවෙන් මෙගාවොට් 1,141.1ක් නිපදවා ඇත්තේ ගොඩනැගිලි වහල මත සවිකරන ලද සූර්ය පැනල (rooftop solar panels) මගින් බව ඔහු සඳහන් කළේය.
මීට පසුගිය වසරේදී වහල මත සවිකරන ලද සූර්ය පැනල මගින් ජාතික විදුලිබල පද්ධතියට එක් කළ මෙගාවොට් 938.8ක ධාරිතාව සහ මේ වසරේ අගෝස්තු මාසය දක්වා කාලය තුළ එක් කළ තවත් මෙගාවොට් 202.3ක ධාරිතාව ඇතුළත් වේ.
මේ අතර, බිම් මට්ටමේ සවිකරන ලද සූර්ය පැනල (ground-mounted solar panels) මගින් මෙගාවොට් 370ක ධාරිතාවක් ජාතික විදුලිබල පද්ධතියට එක් කර ඇත.
ඉන් මෙගාවොට් 177.2ක් පසුගිය වසරේදී එක් කළ අතර, තවත් මෙගාවොට් 193.4ක් මේ වසරේ අගෝස්තු මාසය දක්වා කාලය තුළ එක් කර තිබේ.
