සටහන – නිපුනි ලියනගේ
කොළඹ (LNW): වරාය නගරය මුල්ය නගරය ලෙස ප්රතිසංවිධානය කරමින් “කොළඹ මුල්ය කලාපය” බවට පත් කිරීමට නව නීතියක් හඳුන්වා දීමට නියමිතව ඇත.
කොළඹ හිල්ටන් හෝටලයේ පැවති 2023 වාණිජ සමථ සම්මන්ත්රණය අමතමින් ජනාධිපති රනිල් වික්රමසිංහ මහතා මේ බව අනාවරණය කළේය.
ශ්රී ලංකාව තුළ කාර්යක්ෂම ආරවුල් විසඳීම සඳහා සංස්කෘතික වෙනසක අවශ්යතාව එහිදී ඔහු අවධාරණය කළ අතර, දීර්ඝ කාලීනව නඩු විභාග උසාවි මත රඳා පැවතීම මෙන්ම විකල්ප ආරවුල් විසඳීමේ ක්රමවේද පිළිපැදීමේ වැදගත්කම ද අවධාරණය කළේය.
රජයේ කැපවීම ඉස්මතු කරමින් ඔහු 2018 දී විකල්ප ආරවුල් විසඳීමේ මධ්යස්ථානය පිහිටුවීම ගැන සඳහන් කළ අතර එහි අඛණ්ඩ වර්ධනය සඳහා සහාය ද පළ කළේය.
මෙම මුලපිරීම් සඳහා සහයෝගය ලබා දෙන ලෙස ජනාධිපති වික්රමසිංහ මහතා අධිකරණ අමාත්යාංශයෙන් සහ ආයෝජන අමාත්යාංශයෙන් ද ඉල්ලා සිටියේය.
වරාය නගරය කොළඹ මූල්ය කලාපය බවට පත්කිරීමේ ඉදිරි නීති සම්පාදනය සහ ආරවුල් කාර්යක්ෂමව විසඳීම අරමුණු කරගත් ආයෝජන මණ්ඩලයේ සිට ආර්ථික කොමිෂන් සභාව දක්වා සංක්රමණය වීම පිළිබඳව ජනාධිපතිවරයා මෙහිදී සඳහන් කළේය.
ජාත්යන්තර වෙළෙඳ ගිවිසුම්වල වැදගත්කම සහ විකල්ප ආරවුල් විසඳීමේ මධ්යස්ථානයක් බවට ශ්රී ලංකාව පත් වීමේ අවශ්යතාව ද ජනපති වික්රමසිංහ මහතා අවධාරණය කළේය.
