ඉදිරි අයවැයෙන් රජයේ සේවකයින්ගේ වැටුප් වැඩිකළ යුතු බවත් රජයේ සේවකයින්ගේ බදු ප්‍රශ්නයට යම් සහනයක් දිය යුතු බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජගත් කුමාර මහතා පවසයි.
“ඉදිරි අයවැය සම්බන්ධයෙන් අපි ජනාධිපතිතුමා එක්ක කරපු සාකච්ඡාවලදී – අපි තාමත් ආණ්ඩුවෙ ඉන්නෙත් ඒකයි – ජනාධිපතිතුමා යම් විශ්වාසයක් තියලා තියෙනවා රාජ්‍ය සේවකයින්ට යම් සහනයක් දෙන්න ඕනෙ, වැටුප් වැඩිවීමක් වෙන්න ඕනෙ කියන කාරණාවට. ජීවන වියදමට යම් සහනයක් දෙන්න ඕනෙ කියන එක ඉල්ලීම අපි කරලා තියෙනවා. මේවා ගැන ජනාධිපතිතුමා සලකා බලනවා කියලා කිව්වා. රාජ්‍ය සේවකයින්ට වැටිලා තියෙන බදු බර ගැන ප්‍රශ්නයක් තියෙනවා. ඔවුන් ඒ සම්බන්ධයෙන් මැසිවිලි නඟනවා. මං හිතනවා ඒ අයට යම් සහනයක් දිය යුතුයි. ඒ වගේම අර මහා පරිමාණ ව්‍යාපාරිකයින් සහ අනෙක් අයගෙන් ගත්තොත් කිසි ගැටලුවක් නැතුව රජයට අවශ්‍ය බදු ටික ලැබේවි”
ජගත් කුමාර මහතා මේ බව පැවසුවේ ඊයේ (30) පැවති මාධ්‍ය හමුවක් අමතමිනි.
RN
