සටහන – නිපුනි ලියනගේ
කොළඹ (LNW):Global Fashion Infrastructure platform PDS Limited විසින් මල්වානේ පිහිටි එහි ශ්‍රී ලංකා අනුබද්ධ Norlanka හි මධ්‍යගත කැපුම් කම්හලක් එළිදක්වනු ඇත.
ගබඩා මෙහෙයුම්, රෙදි පරීක්‍ෂාව සහ කැපුම් ක්‍රියාවලිය දක්වා පූර්ණ ඩිජිටල්කරණය වූ පද්ධතියක් සමඟින්, මෙම වැඩසටහන බහුජාතික සමාගම්වලට තාක්‍ෂණය උපයෝගී කරගනිමින් දේශීය නිෂ්පාදකයන් සමඟ ඵලදායී ලෙස සහයෝගයෙන් කටයුතු කළ හැකි ආකාරය පිළිබඳ කඳිම නිදසුනකි.
වසර 24 කට පෙර හොංකොං හි ආරම්භ කරන ලද, PDS ක්‍රමය වර්ධනය වෙමින් පවතින අතර, ඇඟලුම්වල ආරම්භයේ සිට අවසානය දක්වා නිෂ්පාදන ක්‍රියාවලිය අධීක්ෂණය කරන ජාලයක් නිර්මාණය කරයි.
ලොව පුරා ඇඟලුම් නිෂ්පාදකයින්ට බලපා ඇති ගෝලීය ආර්ථික අභියෝග මධ්‍යයේ වුවද, සමාගම දළ වෙළඳ භාණ්ඩ වටිනාකමින් ඇමරිකානු ඩොලර් බිලියන 2ක් උපයා ඇති අතර ඉදිරි වසර 4-5 තුළ එහි ආදායම දෙගුණයකටත් වඩා වැඩි කිරීමට සූදානමින් සිටින බවට වාර්තා වෙයි.
සන්නාම 300+ කට අධික සංඛ්‍යාවකට සත්කාරකත්වය සපයන ගෝලීය සහයෝගීතා වේදිකාවක් ලෙස අභිමානයෙන් යුතුව මෙම සමාගම රටවල් 22 කට වැඩි ප්‍රමාණයකට ව්‍යාප්ත වී ඇති අතර, සැලසුම් කිරීම, මූලාශ්‍ර කිරීම, නිෂ්පාදනය කිරීම සහ සන්නාම කළමනාකරණය යන ක්ෂේත්‍රවල ව්‍යවසායකයින් සඳහා ගෝලීය වේදිකාවක් නිර්මාණය කර ඇත.
“අපි ඊජිප්තුව සහ ඉන්දියාව ඇතුළු කිරීම මඟින් අපගේ නිෂ්පාදන අඩිපාර තවදුරටත් පුළුල් කිරීමට බලාපොරොත්තු වන අතරම අනෙකුත් උපාය මාර්ගික ස්ථාන ගවේෂණය කිරීමට බලාපොරොත්තු වෙමු” ලෙසින් PDS හි විධායක උප සභාපති පල්ලක් සෙත් පවසයි.
වසර දහයකට පෙර Norlanka පිහිටුවීම සඳහා ශ්‍රී ලංකාව තුළ ස්ථාපිත වූ PDS ගමන ගැන ආවර්ජනය කළ සෙත්, දැනුමෙන් පිරි ශ්‍රම බලකායක සහ පොහොසත් විකුණුම් පදනමක ශක්තිය රට සතු වන බව ද ප්‍රකාශ කළේය.
PDS යනු කර්මාන්තශාලා සඳහා සැලසුම් සහ මූල්‍යකරණය සහතික කරන වාහකයයි. මෙමගින් කර්මාන්තශාලාවලට නිෂ්පාදන කටයුතු කෙරෙහි අවධානය යොමු කිරීමට ඉඩ සැලසේ.
ගෝලීය නිෂ්පාදන ලෝකය තුළ, PDS එහි අනුබද්ධ Norlanka සැලකිය යුතු වර්ධනයක් සඳහා සූදානම් වෙමින් පවතින සාර්ථක දැක්මකි. ඉදිරි වසර 3-4 තුළ සිය ව්‍යාපාරය දෙගුණ කිරීමේ අභිලාෂයන් සමඟින්, මෙම වසරේදී ඇමෙරිකානු ඩොලර් මිලියන 120 ක විශ්මයජනක ආදායමක් ලබා ගැනීමට සමාගම අපේක්ෂා කරයි.
