සටහන – රුවන් නෙළුගොල්ල
අහුංගල්ල පොලිස් වසමේ ගල්වෙහෙර ප්‍රදේශයේ නිවසක සිටි පුද්ගලයෙකු ඉලක්ක කර අද (04) අලුයම වෙඩි ප්‍රහාරයක් එල්ල වී තිබේ.
නිවසේ ජනේලයක් තුළින් පිස්තෝලයක් එල්ල කර මෙම වෙඩිතැබීම සිදුකර ඇති බව සඳහන්.
වෙඩිවැදීමෙන් තුවාල ලැබූ පුද්ගලයකු ප්‍රතිකාර සඳහා බලපිටිය රෝහලට ඇතුළත් කර ඇත.
ඔහු අහුංගල්ල, ගල්වෙහෙර ප්‍රදේශයේ පදිංචි 74 හැවිරිදි අයෙකි.
වෙඩිතැබීමට හේතුව මෙතෙක් අනාවරණය වී නොමැති අතර අහුංගල්ල පොලීසිය වැඩිදුර විමර්ශන සිදුකරයි.
