සටහන – රුවන් නෙළුගොල්ල
හිටපු ජනාධිපති රනිල් වික්‍රමසිංහ මහතාට ලබාදී තිබුණු ආරක්ෂාව සම්පූර්ණයෙන්ම ඉවත් කර ඇති බව පළවන මාධ්‍ය වාර්තා අසත්‍යය බව වැඩබලන පොලිස්පති ප්‍රියන්ත වීරසූරිය මහතා පවසයි.
ඒ අනුව, නිලධාරීන් 163 දෙනෙකු මේ වනවිටත් ඒ මහතාගේ ආරක්ෂාවට යොදවා ඇති බවයි වැඩබලන පොලිස්පතිවරයා සඳහන් කරන්නේ.
පොලිස් විශේෂ කාර්ය බලකායේ (STF) 50 දෙනෙකු සහ ප්‍රභූ ආරක්ෂක නිලධාරීන් 06 දෙනෙකු ඇතුළු පිරිසක් ඊට ඇතුළත් බවත් ඒ මහතා ප්‍රකාශ කළේය.
