Tuesday, November 29, 2022
spot_img

Latest Posts

PTA යටතේ රැඳවුම් නියෝග මත සිටි අන්තරේ ක්‍රියාකාරිකයකු නිදහස් කෙරේ

ත්‍රස්තවාදය වැළැක්වීමේ පනත යටතේ අත් අඩංගුවට ගෙන රැඳවුම් නියෝග යටතේ රඳවාගෙන සිටි අන්තර් විශ්ව විද්‍යාලයීය ශිෂ්‍ය බලමණ්ඩලයේ ක්‍රියාකාරිකයකු වන හෂාන් ජීවන්ත අද (07) දිනයේ නිදහස් කර තිබේ.

ඒ, මහජන ආරක්ෂක අමාත්‍ය ටිරාන් අලස් මහතාගේ නිර්දේශය මත ජනාධිපති රනිල් වික්‍රමසිංහ මහතා විසින් අදාළ රැඳවුම් නියෝගය ආපසු කැඳවීම හරහා ය.

මීට දින 50කට පෙර හෂාන් ජීවන්ත අත් අඩංගුවට ගැනුණු අතර එදිනම අන්තර් විශ්ව විද්‍යාලයීය ශිෂ්‍ය බලමණ්ඩලයේ කැඳවුම්කරු වසන්ත මුදලිගේ සහ ගල්වැව සිරිධම්ම හිමියන් ද අත් අඩංගුවට ගැනිණි.

ඒ අතරින් හෂාන් ජීවන්ත සම්බන්ධ විමර්ශන කටයුතු පොලිසිය විසින් අවසන් කර තිබුණු අතර ඔහුට විරුද්ධව සාක්ෂි නොමැති බව එහිදී අනාවරණය වී තිබිණි.

ඒ අනුව ඔහුට එරෙහිව නිකුත් කර තිබුණු රැඳවුම් නියෝගය ආපසු කැඳවන ලෙස මහජන ආරක්ෂක අමාත්‍ය ටිරාන් අලස් මහතා ජනාධිපතිවරයාට නිර්දේශ කර තිබුණු අතර එම නියෝගය ආපසු කැඳවා ඇත.

ඉන් අනතුරුව හෂාන් ජීවන්තව අද (07) දිනයේදී අධිකරණ වෛද්‍ය නිලධාරීවරයා වෙත ඉදිරිපත් කර, තංගල්ල මහේස්ත්‍රාත්වරයා හමුවට ද පමුණුවා ඔහුගේ පියාට භාරදීමට කටයුතු කළ බවයි මහජන ආරක්ෂක අමාත්‍යාංශය ප්‍රකාශ කළේ.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.