Tuesday, November 29, 2022
spot_img

Latest Posts

ආණ්ඩුවට දැන් තුනෙන් දෙක නැති එකත් 22 පස්ස ගහන්න හේතුවක් වෙලා – කිරිඇල්ල (VIDEO)

22 වැනි ආණ්ඩුක්‍රම ව්‍යවස්ථා සංශෝධන විවාදයට ගැනීම කල් ගොස් ඇත්තේ ඒ සම්බන්ධයෙන් ආණ්ඩුව තුළ මතුව තිබෙන විශාල බෙදීම මෙන්ම මේ මොහොත වන විට ආණ්ඩුවට තුනෙන් දෙක අහිමි වී තිබීමද ඊට හේතුවක් වී ඇති බව සමඟි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා පැවසුවේය.

ඒ, අද (07) පස්වරුවේ පාර්ලිමේන්තුවේදී පැවති පක්ෂ නායක රැස්වීමෙන් අනතුරුව මාධ්‍ය වෙත අදහස් දක්වමිනි.

ශ්‍රේෂ්ඨාධිකරණයෙන් අනුමත වී පැමිණි පනතට දැන් යම් යම් සංශෝධන කිරීමට ආණ්ඩුව උත්සහ දරමින් සිටින බවද කිරිඇල්ල මහතා කියා සිටියේය.

පළමු අවස්ථාවේදීම එම සංශෝධන සහිතව ශ්‍රේෂ්ඨාධිකරණය වෙත පනත යොමුකළේ නම් එයට අනුමැතියක් හිමි නොවන බවයි ඔහු පැවසුවේ.

පාර්ලිමේන්තු ක්‍රමයේ පවතින දෝෂ සහිත බව නිසා කාරක සභා අවස්ථාවේ දී සංශෝධන ඉදිරිපත් කිරීමට ආණ්ඩුව උත්සාහයක සිටින අතර එලෙස කාරක සභා අවස්ථාවේදී සංශෝධන සම්මත වුවහොත් එයට එරෙහිව අධිකරණයට යා නොහැකි බවද මන්ත්‍රීවරයා සඳහන් කරන ලදී.

ASK

Latest Posts

spot_img

Don't Miss

Stay in touch

To be updated with all the latest news, offers and special announcements.