පොලිස්පති සී.ඩී. වික්‍රමරත්න මහතාට මින් ඉදිරියට සේවා දිගු ලබානොදීමට රජය තීරණය කර ඇති බව වාර්තා වේ.
ජනාධිපතිවරයා විසින් වික්‍රමරත්න මහතාට සති තුනක සේවා දිගුවක් පසුගියදා ලබාදුන් අතර එය ඒ මහතාට ලැබුණු තුන්වැනි සේවා දිගුවයි.
එම සේවා දිගුව ආණ්ඩුක්‍රම ව්‍යවස්ථා සභාව විසින් අනුමත නොකිරීම තුළ ජනාධිපතිවරයා සහ ආණ්ඩුක්‍රම ව්‍යවස්ථා සභාව අතර යම් මතභේදාත්මක තත්වයක් ද නිර්මාණය වී තිබිණි.
කෙසේවෙතත් නව පොලිස්පතිවරයා තෝරාගැනීමට අදාළ කටයුතු මේ වනවිට සිදුකෙරෙමින් පවතින අතර ඉක්මනින්ම නව පොලිස්පතිවරයා පත්කරන බවයි මහජන ආරක්ෂක අමාත්‍ය ටිරාන් අලස් මහතා ප්‍රකාශ කර ඇත්තේ.
RN
