යාල වනෝද්යානයේ සංවේදී පරිසර කලාපය තුළ සිදුව තිබෙන නීති විරෝධී හැසිරීම සම්බන්ධයෙන් සොයා බැලීම සඳහා අද (26) පරිසර සංවිධාන වනජීවී දෙපාර්තමේන්තුවට පැමිණ තිබුණි.
එම සිද්ධිය සම්බන්ධයෙන් බලධාරීන් තවදුරටත් විමර්ශන සිදුකරමින් සිටින බවත් කෙසේවෙතත් මේ සම්බන්ධයෙන් මීට වඩා සක්රීය විද්යාත්මක විමර්ශනයක් සිදුකළ යුතුව ඇති බවයි මෙහිදී පරිසරවේදී නයනක රන්වැල්ල මහතා මාධ්ය වෙත අදහස් දක්වමින් පැවසුවේ.
අමනෝඥ ලෙස හැසිරුණ මෙම පිරිස සම්බන්ධයෙන් වනජීවී නීතිය නිසිලෙස ක්රියාත්මක නොවුණොත් මීට වඩා විධිමත් විරෝධයක් පෑමට සිදුවන බවයි රන්වැල්ල මහතා සඳහන් කළේ.
මෙම පිරිස අතර මහින්ද අමරවීර අමාත්යවරයාගේ පුත්රයා ද සිටින බවට පළවූ වාර්තා සම්බන්ධයෙන් ඔවුන් වනජීවී නිලධාරීන්ගෙන විමසා ඇති අතර එහිදී නිලධාරීන් පවසා ඇත්තේ තවදුරටත් ඒ ගැන විමර්ශන සිදුකරන බවයි.
මේ අතර වනජීවී අධ්යක්ෂ ජනරාල්වරයාගේ සිට දුරකථන දත්ත සම්බන්ධයෙන් විමර්ශනය කළ යුතුව ඇති බවත් ඒ හරහා මෙම පිරිසට යම් අනුග්රහයක් ලැබී ඇත්ද යන්න හඳුනාගත හැකි බවයි ඔහු පැවසුවේ.
ASK
