පාර්ලිමේන්තු මන්ත්‍රීවරුන් සඳහා ලබාදෙන සෞඛ්‍ය රක්ෂණය රුපියල් ලක්ෂ 10ක් දක්වා වැඩිකිරීමේ යෝජනාව කැබිනට් මණ්ඩලයට යොමුකිරීමට කථානායක මහින්ද යාපා අබේවර්ධන මහතා තීරණය කර තිබේ.
පාර්ලිමේන්තු ගෘහ කාරක සභාවේදී මේ පිළිබඳ සාකච්ඡා කෙරුණු අවස්ථාවේදී කථානායකවරයා මේ බව දැනුම් දී ඇති බව සඳහන්.
දැනට පාර්ලිමේන්තු මන්ත්‍රීවරයකුට ලැබෙන සෞඛ්‍ය රක්ෂණය රුපියල් ලක්ෂ 2ක් වන අතර මේ වනවිට සියලුම වෛද්‍ය සේවා, රෝහල් ගාස්තු ඉහළ ගොස් ඇති බැවින් එම මුදල කිසිසේත්ම ප්‍රමාණවත් නොවන බවට මන්ත්‍රීවරුන් රැසක්ම කථානායකවරයාට දැනුම් දී ඇත. ඒ අනුව රක්ෂණ මුදල වැඩිකිරීමේ යෝජනාව කථානායකවරයා විසින් කැබිනට් මණ්ඩලය වෙත යොමුකිරීමට නියමිතව ඇත.
RN
