සටහන – නිපුනි ලියනගේ
කොළඹ (LNW): ලංකා වාණිජ මණ්ඩලය (CCC) අපනයන මූලික කරගත් ආයෝජන සහ සංචාරක ව්‍යාපාරය අවධාරණය කරන නව ආර්ථික පරිසරයක් ස්ථාපිත කිරීම සඳහා පෞද්ගලික අංශයේ භූමිකාව ප්‍රවර්ධනය කිරීම වෙනුවෙන් පෙනී සිටියි.
අග්‍රාමාත්‍ය දිනේෂ් ගුණවර්ධන, ඉන්දීය මුදල් හා ආයතනික කටයුතු පිළිබඳ අමාත්‍ය නිර්මලා සීතාරාමන් ඇතුළු ප්‍රධාන පුද්ගලයින්ගේ සහභාගීත්වයෙන් කොළඹ පැවති ඉන්දු- ශ්‍රී ලංකා ව්‍යාපාරික සමුළුව අතරතුර මෙම යෝජනාව ඉදිරිපත් කර ඇත.
ශ්‍රී ලංකාව කලාපීය රටවල ද්විපාර්ශ්වික සහය මත ඕනෑවට වඩා විශ්වාසය නොතැබිය යුතු බව පසුගිය වසරේ ශ්‍රී ලංකාවේ මුල්‍ය අර්බුදකාරී තත්ත්වය හමුවේ ඉන්දියාව ලබාදුන් සහය පිළිගනිමින් ලංකා වාණිජ මණ්ඩලයේ සභාපති දුමින්ද හුලංගමුව අවධාරණය කළේය.
සීතාරාමන් මහත්මිය ද්විපාර්ශ්වික සබඳතා ශක්තිමත් කිරීම සඳහා උද්යෝගය ප්‍රකාශ කළ අතර බලශක්ති සහ ඖෂධ ක්ෂේත්‍ර
තුළින් නව මාර්ග ගවේෂණය කරන ලෙස ශ්‍රී ලංකාවෙන් ඉල්ලා සිටියාය.
ලංකා වාණිජ මණ්ඩලයේ උප සභාපති ක්‍රිෂාන් බාලේන්ද්‍ර මහතා විදේශ විනිමය ඉපැයීම් ඉහළ නැංවීම සඳහා කෙටිකාලීන විසඳුමක් ලෙස සංචාරක ව්‍යාපාරයේ වැදගත්කම ද එහිදී අවධාරණය කළේය.
