සටහන – රෂිකා හෙන්නායක
කොළඹ (LNW): මේ වනවිට බන්ධනාගාරගතව සිටින සංවිධානාත්මක අපරාධකරුවෙක් වන දෙමටගොඩ රුවන් නැමැත්තාගේ නිවසට බෝම්බ ප්‍රහාරයක් එල්ලකර ඇති බව වාර්තා වේ.
අද උදෑසනදී , දෙමටගොඩ වේළුවන පාර ප්‍රදේශයේ පිහිටි ඔහුගේ නිවසට මෙම ප්‍රහාරය එල්ලවී ඇති බවයි පොලීසිය පැවසුවේ.
එම නිවසට පෙට්‍රල් බෝම්බ ප්‍රහාර 3ක් එල්ලවී ඇති අතර ඉන් කිසිවෙකුටත් හානියක් සිදුව නොමැති බවත් , එක් පෙට්‍රල් බෝම්බයක් නිවස තුළට වැටී ඇති අතර තවත් පෙට්‍රල් බෝම්බ දෙකක් නිවසේ ගේට්ටුවට වැදී ඇති බව පොලිසිය පවසයි.
මෙම සිද්ධිය සම්බන්ධයෙන් වැඩිදුර විමර්ශන දෙමටගොඩ පොලීසිය මේ වනවිට ආරම්භ කර ඇති බව වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
