කොළඹ LNW: 2024 මහ මැතිවරණයේ ආරක්ෂාව වෙනුවෙන් පොලීසියේ 70,000කට ආසන්න පිරිසක් යොදවා ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා පවසයි.
පොලිස් නිලධාරින්, විශේෂ කාර්ය බළකාය,සිවිල් ආරක්ෂක බළකාය ආදිය නියෝජනය වන පරිදි මෙම පිරිස යොදවා ඇති අතර නිදහස් හා සාධාරණ මැතිවරණයක් පැවැත්වීම උදෙසා පූර්ණ ආරක්ෂක වැඩපිළිවෙළක් ක්‍රියාත්මක බවයි තල්දූව මහතා පවසන්නේ.
ඒ අනුව මහ මැතිවරණයේ ආරක්ෂාව සඳහා පොලිස් නිලධාරින් 64,000ක් ඍජුව යොදවා ඇති අතර තවත් පොලිස් නිලධාරින් 6000ක් පමණ පොරොත්තු සේවා සඳහා යොදවා ඇති බවත් විශේෂ කාර්ය බළකායේ සෙබළුන් 3200ක් පමණ යොදවා ඇති බවත්ත තල්දූව මහතා කියාසිටියි.
මැතිවරණය පවත්වන හෙට (14) දිනයේදී පොලිස් ජංගම සංචාර ද සිදුකරන අතර සිවිල් ආරක්ෂක බළකායේ සාමාජිකයන් 12,227ක් ද මැතිවරණ රාජකාරි සඳහා සම්බන්ධ වීමට නියමිත බවයි පොලිස් මාධ්‍ය ප්‍රකාශකවරයා තවදුරටත් පවසන්නේ.
අවශ්‍ය අවස්ථාවන්හිදී කැඳවීමට ත්‍රිවිධ හමුදාවද සූදානම් කර තිබේ.
ඒ අනුව මුළු ඡන්ද කොට්ඨාස 13,314ක් සඳහා ඡන්ද මධ්‍යස්ථාන 13,383කදී හෙට දින ජන්දය විමසීමට නියමිතයි.
ආශිකා බ්‍රාහ්මණ
