කොළඹ LNW: මෙවර අයවැයෙන් වාහන ආනයන තහනම ඉවත් කරනු ඇති බවට බලාපොරොත්තු වුවද ඊට අදාළ කිසිදු සහනයක් හිමි නොවුණු බව ලංකා මෝටර් රථ ආනයනකරුවන්ගේ සංගමය පවසයි.
රටේ ඩොලර් සංචිත ඉහළ යාමත් සමඟ වාහන ආයනයට අදාළ පහසුකම් සලසා දෙන ලෙස මහ බැංකු අධිපතිවරයාගෙන්ද ඔවුන් අවස්ථා කිහිපයකදීම ඉල්ලා තිබුණි.
වාහන ආනයනය අත්හිටුවා මේ වන විට වසර හතරක පමණ කාලයක් ගතව ගොස් තිබෙන අතර ඒ හේතුවෙන් රට තුළ සංසරණය වන වාහන මිලද ඉහළ ගොස් තිබේ.
කෙසේවෙතත් ඉදිරි කාලයේදී හෝ වාහන ආනයනයට අදාළ පහසුකම් සලසා දෙන ලෙසයි උක්ත සංගමය රජයෙන් ඉල්ලා සිටින්නේ.
මේ අතර පසුගිය දිනක මුදල් රාජ්‍ය අමාත්‍ය රංජිත් සියඹලාපිටිය මහතා පවසා තිබුණේ වාහන ආනයන තහනම් ලිහිල් කිරීම සඳහා තීරණ ගැනීමට කමිටුවක් පත්කර ඇති බවත් එම කමිටුවේ තීරණ මත ඉදිරියේදී ක්‍රියාත්මක වන බවත්ය.
ASK
