රෂිකා හෙන්නායක නොවැම්බර් 26, කොළඹ (LNW):
2024 නොවැම්බර් මස 27වනදා සිට බලපැවැත්වෙන පරිදි ශ්රී ලංකා මහ බැංකුවේ මුදල් ප්රතිපත්ති මණ්ඩලය විසින් , දැනට ක්රියාත්මක ද්විත්ව ප්රතිපත්ති පොලී අනුපාතික ක්රමවේදය වෙනුවට තනි ප්රතිපත්ති පොලී අනුපාතික ක්රමවේදයක් ක්රියාවට නැංවීමට තීරණය කර ඇත.
මෙය මහ බැංකුව විසින් ක්රියාත්මක කරන නම්යශීලී උද්ධමන ඉලක්කකරණ රාමුව තුළ සිදු කළ තවත් වැදගත් වැඩිදියුණු කිරීමකි.
මහ බැංකුව සිය මුදල් ප්රතිපත්ති ස්ථාවරය දැනුම්දීම සහ ක්රියාත්මක කිරීම සඳහා භාවිත කරන ප්රධාන මුදල් ප්රතිපත්ති උපකරණය ලෙස එක්දින ප්රතිපත්ති පොලී අනුපාතිකය (Overnight Policy Rate: OPR) හඳුන්වා දෙනු ලැබේ.
මහ බැංකුවේ මුදල් ප්රතිපත්ති ස්ථාවරයේ වෙනස්කම් ආර්ථිකයේ පාර්ශ්වකරුවන් වෙත සන්නිවේදනය කිරීම සඳහා එක්දින ප්රතිපත්ති පොලී අනුපාතිකය නියමිත කාලසීමාවේදී සමාලෝචනය කර අවශ්යතාවය පරිදි සංශෝධනය කරනු ලබන බවත්, මෙම ප්රතිපත්ති වෙනස්කම තුළින් මූල්ය වෙළඳපොළ සහ පුළුල් ආර්ථිකය වෙත මුදල් ප්රතිපත්තිය දැනුම්දීම මෙන්ම සම්ප්රේෂණයවීමේ කාර්යක්ෂමතාව සහ සඵලතාව ඉහළ නැංවීම අපේක්ෂා කකරන බව මහ බැංකුව පවසයි.
