කොළඹ LNW: රන්දෙණිගල සහ රන්ටැබේ ජලාශ වේලි ඉරිතලා ඇති බවට සමාජ මාධ්‍ය ජාලා තුළ සංසරණය වන පුවත් අසත්‍යක් බව ආපදා කළමනාකරණ මධ්‍යස්ථානය අවධාරණය කරයි.
එම ජලාශ වල වේලිවල තත්ත්වය සම්බන්ධයෙන් තහවුරු කර ගැනීමෙන් අනතුරුව මේ බව ජනතාවට දැනුම් දෙන අතර එම ජලාශ ප්‍රදේශවල ජනතාව අනියත බියක් ඇති කරගත යුතු නැති බවයි එම මධ්‍යස්ථානය පවසන්නේ.
මහජනතාව පීඩාවට පත්ව සිටින මේ අවස්ථාවේ එවැනි සාවද්‍ය පුවත් ප්‍රචාරය කර ජනතාව කලබල කිරීමෙන් වළකින ලෙස සමාජ මාධ්‍ය ජාලා පරිශීලකයින්ගෙන් ආපදා කළමනාකරණ මධ්‍යස්ථානය ඉල්ලා සිටියි.
ආශිකා බ්‍රාහ්මණ
