වසර 74ක කාලයක් දේශපාලකයන් සමඟ එකතු වී රට විනාශ කිරීමට කටයුතු කළේ දූෂිත රාජ්‍ය නිලධාරීන් වන හෙයින් එම නිලධාරීන් එළවීමේ මෙහෙයුම ආරම්භ කර තිබෙන බව ආපන ශාලා හිමියන්ගේ සංගමයේ සභාපති අසේල සම්පත් මහතා පැවසුවේය.
ඔහු මේ බව සඳහන් කළේ අද (29) පාරිභෝගික සේවා අධිකාරියේ දූෂිත නිලධාරීන් සම්බන්ධයෙන් වන වාර්තාවක් වෙළෙඳ අමාත්‍යවරයා වෙත භාරදීමෙන් අනතුරුව මාධ්‍ය වෙත අදහස් දක්වමිනි.
පාරිභෝගික සේවා අධිකාරිය අළු ගසා නැගිටීමට සූදානම් වන විට එයට බාධාකරන දූෂිත නිලධාරීන්ගේ තොරතුරු වාර්තාවක් එලෙස අමාත්‍යවරයා වෙත භාරදුන බවයි ඔහු පැවසුවේ.
හෙට දින වෙළෙඳ අමාත්‍යාංශයේ වැය ශීර්ෂය විවාදයට ගැනීමට නියමිත හෙයින් විශේෂයෙන් විපක්ෂයේ මන්ත්‍රීවරුන් මෙම ජනතා ප්‍රශ්න ගැන අවධානය යොමුකළ යුතු වන බවයි අසේල සම්පත් මහතා කියාසිටියේ.
දේශපාලකයන් පාර්ලිමේන්තුවට යවා ඇත්තේ ජනතා ප්‍රශ්න ගැන කතා කිරීමට මිස එක එක්කෙනාගේ කුණු හේදීමට නොවන බව ද හෙතෙම අවධාරණය කරන ලදී.
ASK