Thursday, February 9, 2023
spot_img

Latest Posts

මත්පැන් හල් දවසේ පැය 24 ම විවෘතව තැබිය යුතුයි: ඩයනා

ශ්‍රී ලංකාව තුළ සංචාරක කර්මාන්තය ප්‍රවර්ධනය කිරීමට නම් මත්පැන් හල්, හෝටල් සහ කඩ සාප්පු දවසේ පැය 24 පුරාම විවෘතව තැබීමට ඉඩ ලබා දිය යුතු බව සංචාරක රාජ්‍ය අමාත්‍ය ඩයනා ගමගේ මහත්මිය පවසයි.

ඒ මහත්මිය මේ බව පැවසුවේ ඊයේ (02) දින පාර්ලිමේන්තුව අමතමිනි.

මෙමඟින් සංචාරක කර්මාන්තය හරහා උපරිම ආදායමක් ජනිත කරවීමට හැකිවනු ඇති බව ඒ මහත්මිය පවසා සිටියාය.

කඩ සාප්පු, අවන්හල් සහ මත්පැන් හල් රාත්‍රී 10.30 න් පසු වසා දමන්නේ නම්, සංචාරක කර්මාන්තයේ සංවර්ධනයක් අපේක්ෂා කළ නොහැකි බයත්, රාත්‍රී ආර්ථිකයක් නොමැති තැනක ශ්‍රී ලංකාවට පැමිණෙන සංචාරකයන් මුදල් යොදවනු ඇතැයි අපේක්ෂා කළ නොහැකි බව ද ඒ මහත්මිය අවධාරණය කළාය.

එමෙන්ම, ගුවන් තොටුපළට පැමිණි විගස, සංචාරකයලන්ට වනජීවී උද්‍යාන සහ වෙනත් ස්ථාන නැරඹීමට පෙර වෙන්කරවාගත් ගෙවීම් කළ හැකි ක්‍රමවේදයක් ස්ථාපිත කිරීම ද වැදගත් බව සංචාරක රාජ්‍ය අමාත්‍යවරිය සඳහන් කළාය.

වැඩි කාලයක් ගතවීමට පෙර මෙම වෙනස්කම් සිදුවනු ඇති බව ඒ මහත්මිය වැඩිදුරටත් පැවසුවාය.

MIAP

Latest Posts

spot_img
spot_img

Don't Miss

Stay in touch

To be updated with all the latest news, offers and special announcements.