කොළඹ LNW: ලබන අවුරුද්දේ ජනාධිපතිවරණය පැවැත්වීමට සිදුවන අතර එය මඟහැර යා නොහැකි අතර එයට මුහුණ දෙන්න සිදුවන බව ශ්රී ලංකා පොදුජන පෙරමුණේ පාර්ලිමේන්තු මන්ත්රී එස්.බී.දිසානායක මහතා පවසයි.
ශ්රී ලංකා පොදුජන පෙරමුණ ලෙස ඊට සූදානම් අතර මේ වන විට සෑම ගමකම ශාඛා සමිති ලියාපදිංචි කරමින් යන බවත් එළඹෙන 15 වැනිදා පැවැත්වීමට නියමිත පක්ෂ සම්මේලනයට රට පුරා සූදානම් වන බවයි මන්ත්රීවරයා සඳහන් කරන්නේ.
පක්ෂයක් ලෙස බිංදුවට වැටී අළු දුලී වී නට්ටන් වී ගියද යළි නැගිටිමින් සිටින බවද දිසානායක මහතා කියා සිටියි.
එම අළු දුලී මතින් නැගිට ගමන් කරමින් තිබෙන බවත් මේ වන විට 69 ලක්ෂයම නැතත් පක්ෂයක් ලෙස නැගිටින බවයි ඔහු අවධාරණය කරන්නේ.
ජනතා විමුක්ති පෙරමුණ,එක්සත් ජාතික පක්ෂය, ශ්රී ලංකා නිදහස් පක්ෂය මේ සියලු දෙනා පස්සට යමින් සිටින බවත් එක්සත් ජාතික පක්ෂය නම් තවමත් වැටිච්ච තැනම වන බවත් එය තවමත 1% 2% මට්ටමේ තිබෙන බවත් දිසානායක මහතා වැඩිදුරටත් ප්රකාශ කරයි.
ASK
