අශෝක ජයතුංග
වොෂින්ටන් LNW : බ්‍රිතාන්‍ය පාර්ලිමේන්තු මන්ත්‍රී ලියොම් ෆොක්ස් මහතා හා එරට ශ්‍රී ලංකා තානාපති රෝහිත බෝගොල්ලාගම මහතා අතර විශේෂ හමුවක් පසුගියදා ලන්ඩනයේදී සිදුවිය.
ලියොම් ෆොක්ස් ගිවිසුම හරහා ශ්‍රී ලංකාව තුළ සාමය හා සහජීවනය ප්‍රතිසංධානය ඇතිකිරීම වෙනුවෙන් ඒ මහතා විශාල කැප කිරීමක් කල අයෙකි. දෙරට අතර ද්විපාර්ශවික සහයෝගීතාව ආර්ථිකය ආනයන අපනයනය සංක්‍රමණය ආදී ක්ෂ්‍රේත්‍ර රැසක් ගැන එහිදී අවධානය යොමු කෙරිණ. තම ධුර කාලය තුළ දෙරට අතර සහයෝගීතාව වඩාත් ශක්තිමත් කරන බවට මහකොමසාරිස්වරයා ප්‍රතිඥා දුන් අතර දැනට ශ්‍රී ලංකාව තුළ දියත්ව ඇති ප්‍රතිසංධාන ක්‍රියාවලියේ ප්‍රගතිය පිළිබඳව ද ෆොක්ස් මහතා දැනුවත් කළේය.
තවද ණය ප්‍රතිව්‍යුහගත කිරීම IMF ණය හා ශ්‍රී ලංකාවේ අනාගත සංවර්දන හා ආර්ථික ඉලක්ක ගැන ද බෝගොල්ලාගම මහතා විසින් ෆොක්ස් මහතාට කරුණු පැහැදිලි කෙරිණ.
