ඉන්ධන මිල, බේකරි නිෂ්පාදන සඳහා භාවිතා කරන යෙදවුම්වල මිල විටින් විට ඉහළ යාම හේතුවෙන් පාන් ඇතුළු බේකරි නිෂ්පාදනවල මිල තීරණය කිරීම අපහසු වී ඇති බව බේකරි හිමියන්ගේ සංගමය පවසනවා. මේ නිසා බේකරි නිෂ්පාදනවල මිල තීරණය කිරීම සඳහා තම සංගමය තවදුරටත් මැදිහත් නොවන බවයි එම සංගමය පෙන්වා දෙන්නේ.
ඊයේ මධ්‍යම රාත්‍රියේ සිට ඉන්ධන මිල යළිත් ඉහළ දැමීම හේතුවෙන් මතුව ඇති තත්වය පිළිබඳව මාධ්‍ය වෙත අදහස් දක්වමින් එම සංගමයේ සභාපතිවරයා මේ බව පවසා තිබේ.
මින් ඉදිරියට බේකරි නිෂ්පාදනවලට තිබෙන ඉල්ලුම හා සැපයුම අනුව මිල තීරණය කරන බවත් මිල තීරණය කිරීමේ අවස්ථාව බේකරි හිමියන් වෙත ලබාදෙන බවත් බේකරි හිමියන්ගේ සංගමය වැඩිදුරටත් පවසනවා.
ඊයේ මධ්‍යම රාත්‍රියේ සිට ඉන්ධන මිල ඉහළ යාමත් සමග බේකරි නිෂ්පාදන, වෙනත් ආහාර ද්‍රව්‍යවල මෙන්ම බස් ගාස්තුවලද සංශෝධනයක් සිදුවිය යුතු බවට යෝජනා වී තිබේ.
UN
