කාබනික පොහොර ගෙන්වන සමාගම් වලින් රජයේ වෛද්‍ය නිලධාරීන්ගේ සංගමයේ ප්‍රධානියා කොමිස් ලබා ගෙන ඇති බවත් ඒ ගැන සෞඛ්‍ය අමාත්‍යාංශය කරුණු හෙළිදරව් කරගෙන ඇති බවත් රජයේ වෛද්‍ය නිලධාරීන්ගේ සංසදයේ සභාපති වෛද්‍ය රුක්ෂාන් බෙල්ලන මහතා අද (22) මාධ්‍ය හමුවේ අනාවරණය කළේය.
ඒ අනුව දැන් කළ යුතු වන්නේ සෞඛ්‍ය අමාත්‍යාංශය මේ ගැන රටට හෙළිදරව් කිරීම බවයි බෙල්ලන මහතා පැවසුවේ.
මෙම වැඩ වර්ජනය, එම පොහොර සම්බන්ධ කොමිස් ගැනීමේ ප්‍රශ්නයක් නතර කර ගැනීම සඳහා වන උත්සහයක් ලෙස යොදා ගෙන ඇති බවද ඔහු සඳහන් කළේය.
එම නිසා මෙම සංගමයේ අවශ්‍යතා වෙනුවෙන් සෙසු වෛද්‍යවරු නොමඟ නොයන ලෙසයි බෙල්ලන මහතා පැහැදිලි කළේ.
