සමාජ මාධ්‍ය ක්‍රියාකාරික රසික ජයකොඩි මහතාට එරෙහිව නීතිමය ක්‍රියාමාර්ග ගන්නා බව ලිබරල් ප්‍රජාතන්ත්‍රවාදී පක්ෂය පවසයි.
මීට හේතුවී ඇත්තේ ලිබරල් ප්‍රජාතන්ත්‍රවාදී ව්‍යාපාරයෙන් ලිබරල් ප්‍රජාතන්ත්‍රවාදී පක්ෂය ඉවත් කර ඇති බවට පසුගියදා පළවූ නිවේදනයකි.
ලිබරල් ප්‍රජාතන්ත්‍රවාදී ව්‍යාපාරයේ කැඳවුම්කරු වශයෙන් කටයුතු කළේ රසික ජයකොඩි මහතා ය.
නමුත් ලිබරල් ප්‍රජාතන්ත්‍රවාදී පක්ෂය (LDP) පවසන්නේ ලිබරල් ප්‍රජාතන්ත්‍රවාදී ව්‍යාපාරය (LDM) යනු තම පක්ෂයට අනුබද්ධ සංවිධානයක් පමණක් බවත් එහි සමාජ මාධ්‍ය කළමනාකරු වශයෙන් පමණක් රසික ජයකොඩි මහතා ක්‍රියා කළ බවත් ය.
ඒ අනුව රසික ජයකොඩි සහ ඔහුගේ කණ්ඩායම ඔවුන්ගේ පුද්ගලික අභිමතාර්ථ වෙනුවෙන් ලිබරල් ප්‍රජාතන්ත්‍රවාදී ව්‍යාපාරය (LDM) අවභාවිතා කර ඇති අතර ඔහුට එරෙහිව නීතිමය ක්‍රියාමාර්ග ගෙන ඇති බවත් ලිබරල් ප්‍රජාතන්ත්‍රවාදී පක්ෂය (LDP) පවසයි.
එම පක්ෂයේ ආරංචි මාර්ග වැඩිදුරටත් පැවසුවේ අදාළ සමාජ මාධ්‍ය කළමනාකාර තනතුර වෙනුවෙන් රසික ජයකොඩි මාසිකව රුපියල් 250,000 ක වැටුපක් ද එම පක්ෂයෙන් ලබාගෙන ඇති බවයි.
