ඉල්ලීම් කිහිපයක් මුල්කර ගනිමින් දුම්රිය ස්ථානාධිපතිවරුන් ආරම්භ කර ඇති වැඩවර්ජනය තවදුරටත් දැඩි කිරීමට තීරණය කර තිබෙනවා. ඒ අනුව ඉන්ධන, සිමෙන්ති, තිරිඟු පිටි ප්රවාහන කටයුතුවලින්ද ඉවත්වීමටයි ඔවුන් තීරණය කර තිබෙන්නේ.
දුම්රිය සාමාන්යාධිකාරීවරයා සමග අද පැවති සාකච්ඡාවද අසාර්ථක බවත් ඒ අනුව වර්ජනය තවදුරටත් දැඩි කිරීමට තීරණය කළ බවත් දුම්රිය ස්ථානාධිපතිවරන්ගේ සංගමයේ සභාපති සුමේධ සෝමරත්න මහතා පවසනවා.
පසුගිය 21 වැනිදා ආරම්භ කළ මෙම වර්ජනය හේතුවෙන් දුම්රිය මගීන් සඳහා ප්රවේශපත්ර නිකුත් කිරීම හා පාර්සල් බාර ගැනීම අත්හිටුවා ඇති අතර මේ නිසා දුම්රිය දෙපාර්තමේන්තුවට දෛනිකව අහිමි වන ආදායම මිලියන 09 කට ආසන්න වේ. ඉන්ධන, සිමෙන්ති, තිරිඟු පිටි ප්රවාහනයද අත්හිටුවීමෙන් එම පාඩුව තවදුරටත් ඉහළ යනු ඇත.
UN
