Sunday, December 4, 2022
spot_img

Latest Posts

තවත් ගැසට්ටුවක් රිවස්

අසභ්‍ය ප්‍රකාශන තහනම් කිරීමේ පනත් කෙටුම්පතට අදාලව නිකුත් කර තිබූ ගැසට් නිවේදනය අවලංගු කර තිබෙනවා. අධිකරණ අමාත්‍ය අලි සබ්‍රි මහතා විසින් අදාල ගැසට් නිවේදනය අවලංගු කරන ලෙස අමාත්‍යංශ ලේකම්වරයා උපදෙස් ලබා දී ඇති බවයි වාර්තා වන්නේ.

පසුගිය 24 වැනිදා මෙම ගැසට් නිවේදනය නිකුත් කළ අතර ඉන්පසු පාර්ශ්ව රැසකින් ඊට විරෝධය එල්ල විය. අසභ්‍ය ප්‍රකාශන තහනම් කිරීමට අදාල නීති සකස් කිරීමේදී නිර්මාණකරුවන්ගේ ප්‍රකාශන අයිතිය පිළිබඳව සැළකිලිමත් වියයුතු බව ඇතැම් පාර්ශ්ව පෙන්වා දී තිබිණි.

එල්ල වූ විරෝධතා හා යෝජනා සැළකිල්ලට ගනිමින්, මේ වනවිට සකස් කර ඇති පනත් කෙටුම්පත සඳහා සංශෝධන සකස් කිරීමට නියමිත අතර ඉන්පසු සංශෝධිත කෙටුම්පත කැබිනට් අනුමැතිය සඳහා ඉදිරිපත් කිරීමට අධිකරණ අමාත්‍යංශය තීරණය කර තිබෙනවා. එතෙක් දැනට නිකුත් කර ඇති ගැසට් නිවේදනය අහෝසි කරන ලෙස අධිකරණ අමාත්‍යවරයා ලේකම්වරයා වෙත දැනුම් දී තිබෙන්නේ.

අසභ්‍ය ප්‍රකාශන තහනම් කිරීම සඳහා වන නීතියක් සම්පාදනය කිරීමට උනන්දු වූයේ බාලවයස්කාර දරුවන්ගේ සුභසිද්ධිය හා හිංසනයට ලක්වන කාන්තාවන්ගේ පුද්ගලිකත්වය ආරක්ෂා කරමින් නීති සකස් කිරීම සඳහා මිස භාෂණයේ නිදහසට බාධා කිරීමට නොවන බව අමාත්‍යංශ ලේකම්වරයා නිවේදනයක් නිකුත් කරමින් සඳහන් කරයි.

UN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.