Saturday, October 8, 2022

Latest Posts

ඩොලර් අර්බුදය හේතුවෙන් අගමැතිගේ ඩුබායි සංචාරය අවලංගු කරයි

නව වසරේ මුලදී නියමිතව තිබූ අග්‍රාමාත්‍ය මහින්ද රාජපක්ෂ මහතාගේ ඩුබායි සංචාරය අවලංගු කර තිබෙනවා. ආර්ථික අර්බුදය ඇතුළු රට මුහුණ දී සිටින ගැටලු හේතුවෙන් මෙම සංචාරය අතහැර දැමීමට අගමැතිවරයා තීරණය කර ඇති බවයි අග්‍රාමාත්‍ය කාර්ය මණ්ඩල ප්‍රධානී යෝෂිත රාජපක්ෂ මහතා මාධ්‍ය වෙත ප්‍රකාශ කර තිබෙන්නේ.

ඩුබායි පාලක මොහමඩ් බින් රෂීඩ් අල් මක්ටුම් මහතාගේ ආරාධනයකට අනුව අගමැතිවරයා ඩුබායිහි සංචාරය කිරීමට නියමිතව තිබුණේ ඩුබායි එක්ස්පෝ ප්‍රදර්ශනයේ ප්‍රධාන ආරාධිත අමුත්තා ලෙසයි. ජනවාරි 02 වැනිදා ඩුබායි බලා පිටත්වීමෙන් පසු ජනවාරි 03 වැනිදා අදාල ප්‍රදර්ශනයට සහභාගිවීමට නියමිතව තිබිණි.

ජනවාරි 03 වැනිදා ඩුබායි එක්ස්පෝ ප්‍රදර්ශනයේ ශ්‍රී ලංකා දිනය ලෙස නම්කර තිබෙනවා.

මෙම ප්‍රදර්ශනයට සහභාගි වීමට වඩා රටේ පවතින ගැටලු පිළිබඳව අවධානය යොමු කිරීම වඩා වැදගත් බැවින් අගමැතිවරයා මෙම සංචරය අවලංගු කිරීමට තීරණය කර ඇති බවද යෝෂිත රාජපක්ෂ මහතා පවසනවා.

UN

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.