1. ඉන්දියාවේ සහ ජපානයේ සමාගම් සහ ජපානය සහ එක්සත් ජනපදයේ පිහිටි New Fortress Energy සමාගම විසින් ශ්‍රී ලංකාව තුළ ද්‍රව ස්වභාවික වායු පර්යන්තයක් ස්ථාපිත කිරීම සඳහා ඒකාබද්ධ යෝජනාවක් ඉදිරිපත් කරනු ඇතැයි අපේක්ෂා කරන බව බලශක්ති අමාත්‍ය කංචන විජේසේකර ප්‍රකාශ කරයි.
2. යෝජිත විදුලි ගාස්තු ඉහළ නැංවීම හෝටල් ක්ෂේත්‍රය විනාශ කරනු ඇති බව හෝටල් සංගමයේ සභාපති එම් ශාන්තිකුමාර් ප්‍රකාශ කරයි – රජය නැවත වරක් ගාස්තු වැඩි කළහොත් එය අපරාධයක් වන බව ද පෙන්වා දෙයි.
3. සෞඛ්‍ය අමාත්‍ය කෙහෙළිය රඹුක්වැල්ල දෙසැම්බර් 21 සිට 24 දක්වා ඖෂධ නිෂ්පාදන කම්හලක් පරීක්ෂා කිරීම සඳහා ඉන්දියාවට කළ සංචාරයේදී ඔහුගේ හෝටල් බිල්පත් ඉන්දියානු ඖෂධ සමාගමක් විසින් පියවා ඇති බව පෙරටුගාමී සමාජවාදි පක්ෂයේ ලේකම් පුබුදු ජයගොඩ චෝදනා කරයි – එම කාරණය සම්බන්ධයෙන් පරීක්ෂණයක් පවත්වන මෙන් ඉල්ලා සිටියි.
4. කොළඹ මහ නගර සභාව විසින් කොළඹ නගරය තුළ “භාවිත නොකළ ඉඩම්වල” හිමිකරුවන්ට දඩ නියම කිරීමේ සූදානමක්! – මෙම ක්‍රියාව හරහා 2023 සඳහා ලබාගත හැකි ආදායම රු. බිලියන 12ක් ලෙස ඇස්තමේන්තු කර ඇත.
5. ලබන වසර සඳහා ඉල්ලා සිටි විදුලි බිල වැඩි කිරීමේ සංශෝධනය ලබා දෙන්නේ නම් ලංකා විදුලි බල මණ්ඩලයේ ඇතැම් වෘත්තීය සමිති විසින් පුරෝකථනය කර ඇති පැය 8ක දීර්ඝ විදුලි කප්පාදුව ක්‍රියාත්මක නොවනු ඇති බව බලශක්ති අමාත්‍ය කංචන විජේසේකර යළි අවධාරණය කරයි – ඊට විරුද්ධවන්නන්ට අධිකරණ ක්‍රියාමාර්ග ගන්නා ලෙස අභියෝග කරයි.
6. පේරාදෙණිය විශ්වවිද්‍යාලය විසින් කරන ලද සමීක්ෂණයකට අනුව මේ වසරේ මේ දක්වා වැඩිම අපරාධ සංඛ්‍යාවක් වාර්තා වී ඇත්තේ කැලණිය පොලිස් කොට්ඨාශයෙන් වන අතර එම සංඛ්‍යාව 2,287 කි – දෙවන ස්ථානය අනුරාධපුරය අපරාධ 2,058; තෙවන ස්ථානය නුගේගොඩ අපරාධ 2,018 – මේ අතර මීගමුව, මහනුවර, කුරුණෑගල, ගල්කිස්ස, කොළඹ, රත්නපුර, ගම්පහ, කුලියාපිටිය සහ පානදුර යන ප්‍රදේශවලින් අපරාධ 1,000කට වැඩි සංඛ්‍යාවක් වාර්තා වී ඇත.
7. රියදුරු බලපත්‍ර සඳහා demerit ක්‍රමය ක්‍රියාත්මක කිරීමට බලධාරීන් පියවර ගැනීමට නියමිතය – ඊට අදාළ කැබිනට් පත්‍රිකාව 2023 ජනවාරි මාසයේදී ඉදිරිපත් කිරීමට නියමිතය.
8. නොගෙවූ ණය සහ කල්බදු වාරික මත මුල්‍ය හා ලීසිං සමාගම් විසින් වාහන සහ අනෙකුත් වත්කම් බලහත්කාරයෙන් අත්පත් කර ගැනීමට දරණ උත්සාහයන් සම්බන්ධයෙන් නීතිමය පියවර ගන්නා ලෙස පොලිස්පතිවරයා පොලීසියට උපදෙස් දෙයි – කල්බදු මූල්‍ය පනතේ දක්වා ඇති පරිදි සන්තකයේ තබා ගන්නා වත්කම් අයකර ගැනීමට නියෝග ලබා ගැනීම සඳහා එකී සමාගම් දිසා අධිකරණයක් හමුවේ නඩු පැවරිය යුතු බවට අවධාරණය කරයි.
9. අඹේවෙල ගොවිපළට යාබදව අතහැර දැමූ අක්කර 30ක ඉඩම වහාම ගොවිපළ යටතට ගෙන කිරි ගවයින්ගේ ආහාර අවශ්‍යතා සපුරාලීම සඳහා තණබිම් ලෙස සංවර්ධනය කිරීමට අවශ්‍ය පහසුකම් සලසන ලෙස ජනාධිපති රනිල් වික්‍රමසිංහ නුවරඑළිය දිස්ත්‍රික් ලේකම්වරයාට සහ කොමසාරිස්වරයාට උපදෙස් ලබා දෙයි.
10. මෙය මැතිවරණයක් පැවැත්වීමට කාලයක් නොවන බව මුදල් අමාත්‍යාංශයේ ජ්‍යෙෂ්ඨ නිලධාරියෙක් පවසයි – රට දරුණුතම ආර්ථික අර්බුදයකට මුහුණ දී සිටින බවත් රාජ්‍ය ආදායම වැටුප්, විශ්‍රාම වැටුප් සහ සමෘද්ධි දීමනා සඳහා පමණක් ප්‍රමාණවත් බවත් ප්‍රකාශ කරයි: අර්බුදය විසඳීම සඳහා ගෙන ඇති “ක්‍රමානුකූල පියවර” 2023 මාර්තු වන විට ප්‍රතිඵල නෙළා ගනු ඇතැයි තවදුරටත් කියා සිටී.
