රෂිකා හෙන්නායක දෙසැම්බර් 31, කොළඹ (LNW):
හපුතලේ 48 කණුව ප්‍රදේශයේ සිදුවූ රිය අනතුරකින් පුද්ගලයින් දෙදෙනෙකු මියගොස් තිබේ. අනතුරින් තවත් 14 දෙනෙකු තුවාල ලබා ඇති බව පොලිසිය පවසයි.
තුවාලකරුවන් ප්‍රතිකාර සඳහා යොමු කර ඇත්තේ, හපුතලේ සහ දියතලාව රෝහලවලටයි. හපුතලේ සිට බෙරගල ධාවනය වෙමින් තිබූ වෑන් රථයේ තිරිංග ක්‍රියා විරහිත වීමෙන් අනතුර සිදුව ඇති අතර,පොලිසිය සඳහන් කළේ, එහිදී රියදුරු විසින් වෑන් රථය මාර්ගය ආසන්නයේ පස් කන්දේ ගැටීමට සලස්වා ඇති බවයි. මෙම අනතුර සම්බන්ධයෙන් වැඩිදුර විමර්ශන ක්‍රියාත්මක වන බව සඳහන් වේ.
