සටහන – රෂිකා හෙන්නායක
මාර්තු 14,, කොළඹ (LNW): අද (14) පෙරවරුවේ , ජාත්යන්තර මූල්ය අරමුදලේ ශ්රී ලංකාවේ මෙහෙයුම් ප්රධානී පීටර් බෘෘවර් (Peter Breuer) ඇතුළු කණ්ඩායමක් සහ ජාතික ජන බලවේගයේ නියෝජිතයන් අතර සාකච්ඡාවක් කොළඹ ශ්රැංගිලා හෝටලයේදී පවත්වා ඇති බව වාර්තා වේ.
පැය එකහමාරක පමණ කාලයක් පැවති මෙම හමුවේදී ශ්රී ලංකාවේ ණය ප්රතිව්යුහගතකරණයේ සහ වංචා දූෂණ වැළැක්වීමට අදාළ ක්රියාවලීන්හි ප්රගතිය පිළිබඳව දීර්ඝ ලෙස සාකච්ඡා වී ඇති අතර ජනතාවට මෙතෙක් ලබා දී නොමැති තාක්ෂණ සහායක වාර්තාව පිළිබඳවද ජාතික ජන බලවේගයේ නියෝජිතයින් විසින් විමසීම් සිදු කර ඇති බව සඳහන් වේ.
ජාත්යන්තර මූල්ය අරමුදල නියෝජනය කරමින් පීටර් බෲවර් මහතාට අමතරව ජාත්යන්තර මුල්ය අරමුදලේ නියෝජ්ය නේවාසික නියෝජිත සර්වත් ජහාන් සහ කැට්සියරිනා ස්විඩ්සෙන්කා Katsiaryna Svieydzenka සහ මානවී අබේවික්රම යන මහත්මීහුද සාකච්ඡාවට එක්ව සිටි බව පැවසේ.
මේ හමුව සඳහා ජාතික ජන බලවේගය නියෝජනය කරමින් ජාතික විධායක සභික පාර්ලිමේන්තු මන්ත්රී විජිත හේරත්, ජාතික විධායක සභික මුදිත නානායක්කාර සහ ආර්ථික කවුන්සිලයේ සාමාජිකයින් වන මහාචාර්ය අනිල් ජයන්ත, මහාචාර්ය සීතා බණ්ඩාර, ආචාර්ය හර්ෂණ සූරියප්පෙරුම සහ සුනිල් හඳුන්නෙත්ති යන අය සහභාගි වී ඇත.
