කොළඹ LNW:පාස්කු ඉරු දින ත්‍රස්ත ප්‍රහාරයට යුක්තිය ඉටු කිරීම වෙනුවෙන් සමඟි ජන බලවේගයේ ආණ්ඩුවක් තුළ විශේෂ කොමිසමක් පත්කිරීමට යෝජනා කර තිබෙන අතර එහි ලැබෙන නිර්දේශ ක්‍රියාත්මක කිරීම සඳහා විශේෂ අධිකරණයක් ස්ථාපිත කිරීමට ද කටයුතු යොදන බව සමඟි ජන බලවේගයේ පාර්ලිමේන්තු මන්ත්‍රී කාවින්ද ජයවර්ධන මහතා පවසයි.
උක්ත විශේෂ කොමිසම සඳහා විදේශීය විනිසුරුවරුන් මෙන්ම විමර්ශකයින්ද පත්කිරීමට කටයුතු කරන බවයි මන්ත්‍රීවරයා සඳහන් කරන්නේ.
ඊට අදාළව අගරදගුරු අතිඋතුම් මැල්කම් කාදිනල් රංජිත් හිමිපාණන් වහන්සේටද ලිඛිතව දැනුම් දී තිබෙන බව ඔහු කියාසිටියි.
ආශිකා බ්‍රාහ්මණ
