මහ බැංකුවේ නවතම හෙළිදරව්ව!

සටහන – රෂිකා හෙන්නායක

මැයි 26, කොළඹ (LNW):ලංකාවේ ගිණුම් හිමි කාන්තාවන් සාමාන්‍ය හා දකුණු ආසියාවේ ගිණුම් හිමි කාන්තාවන්ගේ සාමාන්‍ය හා සසඳන විට එය 89% ඉක්මවා සිටින බවත්, දකුණු ආසියාතික රටවල ගිණුම් හිමි කාන්තාවන්ගේ සාමාන්‍ය 65.8% ක් වන අතර, එම අගය ශ්‍රී ලංකාවේ 89.3% ක් බව ශ්‍රී ලංකා මහ බැංකුව ප්‍රකාශ කර සිටී.

තවද, සම කලාපීය සහ සම ආදායම් රටවල් හා සසඳන විටද වයස අවුරුදු 15 ත් 24 ත් අතර ගිණුම් හිමි තරුණ පිරිස ප්‍රතිශතයක් ලෙස ලංකාවේ ඉහළ මට්ටමක පවතින බව ශ්‍රී ලංකා මහ බැංකුව පවසන අතර, එය ප්‍රතිශතයක් ලෙස 86% ක් බව පැවසේ.

මෙරට ජනගහනයෙන් වයස අවුරුදු 15 ට වැඩි අයවලුන්ගෙන් 89% කට ඕනෑම ගිණුමක් හිමි බවද, දකුණු ආසියාතික රටවල එය ප්‍රතිශතයක් ලෙස 68% කි. පහළ මැදි ආදායම් රටවල එය ප්‍රතිශතයක් ලෙස 62% ක් බවද සඳහන් වේ.

මූල්‍ය ආයතනවල ගිණුම් හිමියන්ගෙන් 32% ක් මුල් වරට ගිණුමක් විවෘත කර ඇත්තේ වැටුපක් හෝ රජයේ ගෙවීමක් ලබා ගැනීමට බවද හෙලිදරව් වී ඇති බව මහ බැංකුව කියා සිටී.