සටහන – රුවන් නෙළුගොල්ල
ශ්‍රී ලංකා නිදහස් පක්ෂයේ නීත්‍යානුකූල මහලේකම්වරයා වශයෙන් දයාසිරි ජයසේකර මහතාව පිළිගන්නා බව එම පක්ෂයේ හිටපු සභාපති, හිටපු ජනාධිපති මෛත්‍රීපාල සිරිසේන මහතා පවසයි.
ප්‍රශ්නය – දැන් ශ්‍රී ලංකා නිදහස් පක්ෂයේ ප්‍රධාන ලේකම්තුමා දයාසිරි ජයසේකර නේද ?
“ඔව් ඔව්”
ප්‍රශ්නය – ඔබතුමා පිළිගන්නවාද ?
“අයියෝ, කිසි ප්‍රශ්නයක් නෑ”
ප්‍රශ්නය – ඔබතුමාමනෙ ඉවත් කළෙත් ?
“එයාව ඉවත් කරන වෙලාව වෙනකොට මේ අද තිබෙන තත්වය නෙවෙයි තිබුණේ”
ප්‍රශ්නය – දැන් දයාසිරි ජයසේකර මහත්තයා හෙට වැඩ බාරගන්නවා, ඔබතුමාටත් ආරාධනා කළාද ?
“නෑ. අපිට ආරාධනා ඕනෙ නෑ ඉතින්. මට මොකටද ආරාධනා. අපි යනවානෙ ඕනෙ එකකට”
ප්‍රශ්නය – එතකොට ස්ථිර සභාපති විජේදාස රාජපක්ෂ මහත්තයාද ?
“ඔව් ඔව්. ස්ථිර සභාපති විජේදාස රාජපක්ෂ තමයි”
ප්‍රශ්නය – එතකොට නිමල් සිරිපාල මහත්තයාත් ඉන්නවානෙ ?
“ඒ එයාට වෙන කොහෙන්දෝ හම්බුවෙච්ච එකක්. ලංකාවෙ එකක් නෙවෙයි ඒ”
ප්‍රශ්නය – නිමල් සිරිපාල මැතිතුමා කියලා තියෙනවා එතුමා මේ මහලේකම්තුමාව පිළිගන්නෙ නෑ, පක්ෂයෙන් ඉවත් කළා කියලා ?
“එතුමා පිළිගත්තෙ නැති වුණාට අධිකරණයෙන් පිළිඅරන් තියෙනවානෙ. එයා නීතීඥවරයෙක් විදියට මහ මෝඩ කතාවක්නෙ කියන්නෙ”
මෛත්‍රීපාල සිරිසේන මහතා මේ බව පැවසුවේ ඊයේ (04) පැවති රැස්වීමකින් අනතුරුව මාධ්‍ය වෙත අදහස් පළකරමිනි.
