කොළඹ LNW:රට තුළ දූෂණය තුරන් කොට විනිවිද භාවය තහවුරු කරන්නේ නම් 28% ක ණය කප්පාදුව 35% දක්වා ඉහළ දැමීමට බැදුම්කර හිමියන් සූදානම් බව මහබැංකු අධිපති ආචාර්ය නන්දලාල් වීරසිංහ මහතා පවසයි.
වාණිජ ණය හිමියන් වන බැදුම්කර හිමියන් මේ බව රජයට දැනුම් දී ඇති බවයි මහබැංකු අධිපතිවරයා පවසන්නේ.
ද්වී පාර්ශ්වික ණය හිමියන් ණය කප්පාදුවක් සිදු නොකලද බැදුම්කර හිමියන් ලබා දෙන ණය සහනයට සමාන ණය සහනයකට ඔවුන්ද යනු ඇතැයි බවටද වීරසිංහ මහතා විශ්වසය පළකරයි.
මේ අතර මුදල් රාජ්‍ය අමාත්‍ය ෂෙහාන් සේමසිංහ මහතා සහ ලෝක බැංකුවේ දකුණු ආසියාවේ උප සභාපති මාර්ටින් රයිසර් මහතා, ශ්‍රී ලංකාව,නේපාලය සහ මාලදිවයින සඳහා අලුතින් පත් වූ ලෝක බැංකුවේ අධ්‍යක්ෂ ඩේවිඩ් සිස්ලන් මහතා සමඟ සාකච්ඡාවක් පවත්වා තිබෙන අතර සාර්ව ස්ථායීතාවය, ණය ප්‍රතිව්‍යුහගත කිරීම සහ ලෝක බැංකුවේ අනුග්‍රහය ලබන සමාජ සුබසාධන වැඩසටහන්වල ප්‍රගතිය පිළිබදව එහිදී සාකච්ජා කර තිබේ.
ආශිකා බ්‍රාහ්මණ
