රෂිකා හෙන්නායක අගෝස්තු 06, ලෝකය (අවුට්බවුන්ඩ් ටුඩේ):
ඇමෙරිකාවේ කැලිෆෝනියා ප්‍රාන්තයේ හටගෙන ඇති ලැව්ගිනි හේතුවෙන් වනාන්තර අක්කර ලක්ෂ 4ට අධික සංඛ්‍යාවක් විනාශ වී ඇති අතර, කැලිෆෝනියා ඉතිහාසයේ ලැව්ගිනි හේතුවෙන් වැඩිම වන බිම් ප්‍රමාණයක් විනාශයට ලක්ව ඇති 4වන අවස්ථාව ලෙස මෙය සැලකේ.
ප්‍රාන්තයේ ස්ථාන 94 කදී පමණ ලැව්ගිනි හටගෙන ඇති බව වාර්තා වේ,
ජනතාවට ඉවත්වීම සදහා මේ වනවිට නිවේදන 28ක් නිකුත්කර ඇති බවද සදහන්. ගොඩනැගිලි 600ට ආසන්න සංඛ්‍යාවක් මේ වනවිට සම්පූර්ණයෙන්ම විනාශ වී තිබෙන බව සඳහන් වේ.
වියළි උණුසුම් කාලගුණය හේතුවෙන් ලැව්ගිනි ශීඝ්‍රයෙන් ව්‍යාප්ත වන බව ගිනි නිවන අංශ පෙන්වා දෙයි.
