කොළඹ LNW:2024 ජනාධිපතිවරණය සඳහා ඡන්දදායකයින් 736,589ක් තැපැල් ඡන්ද සඳහා ඉල්ලුම්කර ඇති අතර ඉන් 24,268ක් ප්‍රතික්ෂේප වී ඇති බව මැතිවරණ කොමිසම පවසයි.
එළැ ඹෙන 26 වැනිදා තැපැල් ඡන්ද සලකුණු කිරීමට අදාළ පත්‍රිකා අදාළ ආයතන වෙත යොමුකිරීමට නියමිත බවයි මැතිවරණ කොමසාරිස් ජනරාල් සමන් ශ්‍රී රත්නායක මහතා පවසන්නේ.
මේ අතර සැප්තැම්බර් මස මුල් සතියේ දින තුනක කාලයක් තැපැල් ඡන්ද සලකුණු කිරීම සඳහා අවස්ථාව සලසා දී තිබේ.
ඒ අනුව තැපැල් ඡන්ද ලකුණු කිරීම සැප්තැම්බර් 4 වෙනිදා සියලුම දිස්ත්‍රික්ක මැතිවරණ කාර්යාල, කච්චේරිය, දිස්ත්‍රික් ලේකම් කාර්යාල සහ පොලීසිවල තැපැල් ඡන්ද දායකයින් සඳහා වෙන් කර තිබෙන අතර 5 සහ 6 වෙනිදා අනෙක් සියලු ආයතන සඳහා තැපැල් ඡන්ද ප්‍රකාශ කිරීමට අවස්ථාව සලසා දී ඇත.
උක්ත දින වල ජන්දය ප්‍රකාශ කිරීමට නොහැකි අය වෙනුවෙන් සැප්තැම්බර් 11 සහ 12 යන දිනද වෙන තිබෙන බව මැතිවරණ කොමිසම පවසයි.
ආශිකා බ්‍රාහ්මණ
